Yeniliklər
İstihost-da nə baş verir — infrastruktur yenilənmələri, yeni xidmətlər, və elan edilən dəyişikliklər.
Kritik PHP Zəifliyi (PHP2Shell): Elan Edildiyi Gün Tədbir Görüldü.
PHP-də aşkarlanan iki kritik zəifliyə qarşı qoruyucu tədbir bütün serverlərdə tətbiq olundu. Müştərilərdən heç bir əməliyyat tələb olunmur.
Backup Statusu Səhifəsi Açıldı — 3-2-1-1-0 Standartı Üzrə Açıq Hesabat.
Məlumatlarınızın neçə nüsxəsi var, harada saxlanılır və nə qədər geriyə qayıda bilərik — artıq hamısı bir səhifədə, açıq şəkildə yazılıb. İstihost-un yedəkləmə sistemi müasir 3-2-1-1-0 standartına uyğun qurulub: canlı məlumatdan əlavə 6 ayrı nüsxə yeri, Avropada iki müstəqil provayder və Bakıda iki nüsxə.
Nüsxələrdən biri dəyişdirilə bilməyən snapshot-larda, biri isə şəbəkədən tam təcrid olunmuş (air-gapped) şifrəli diskdə saxlanılır — serverə daxil olmuş təcavüzkar belə onlara çata bilməz. Lazım olduqda 12 aya qədər geriyə qayıtmaq mümkündür. Backup Statusu →
VPS Xidməti Təqdim Olundu — Real Qiymətlərlə.
İstihost artıq tam ayrılmış resurslu VPS (Virtual Private Server) xidməti təklif edir — 4 nüvədən 18 nüvəyə qədər 6 fərqli ölçüdə, hamısı Avropada yerləşən, limitsiz trafiklə (ədalətli istifadə siyasəti daxilində) və 13.7 AZN/aydan başlayan qiymətlərlə.
Veb hostinqin bir pilləsi yuxarısı, tam fərdi server icarəsindən bir pillə aşağı — çoxlu layihəni idarə edən, xüsusi konfiqurasiyaya ehtiyacı olan və ya root səviyyəsində nəzarət istəyən müştərilər üçün nəzərdə tutulub.
Kritik cPanel Zəifliyi Aşkarlandı, Lakin İstihost Müştəriləri Təhlükəsizdir.
27 avqust 2026-cı ildə cPanel-in domen "parking" funksionallığında kritik təhlükəsizlik zəifliyi (CVE-2026-65643) rəsmi olaraq elan edildi. Zəiflik cPanel & WHM-in bütün dəstəklənən versiyalarına aid idi və xüsusi imtiyaz tələb etmirdi — parked və ya əlavə domen yaratmaq icazəsi olan istənilən adi hesab sahibi serverdə ixtiyari fayl yaradaraq root səlahiyyəti ilə kod icra edə bilərdi. Paylaşılan hostinq mühitində bu, bir serverdəki bütün müştərilərin təhlükəyə düşməsi demək idi.
Peşəkar E-poçt xidməti təqdim olundu.
Azərbaycan dilində AI yazı köməkçisi, fərdi qiymət hesablayıcısı və M365/Google Workspace-dən daha əlçatan qiymətlərlə.
Yeni server infrastrukturuna keçid başladı.
Daha yüksək performans, daha çox resurs və artırılmış etibarlılıq üçün infrastruktur yenilənməsi davam edir.
Təhlükəsizlik yenilənmələri tamamlandı.
Bütün serverlərdə firewall qaydaları, brute-force qoruması və proqram yenilənmələri yeniləndi.
DNS infrastrukturu genişləndirildi.
Yeni ad serverləri əlavə olundu — daha sürətli və etibarlı domen həlli.
Pulsuz SSL standart oldu.
Bütün hosting planlarına Let's Encrypt SSL sertifikatları avtomatik daxil edildi.
Yeniliklərdən xəbərdar olun
Suallarınız var? Bizimlə əlaqə saxlayın.